RCAP

2010年6月

ADOPTER : Angela Wong

2010年6月從 http://hk.myblog.yahoo.com/adopted-rcap2010
上看見一隻白色安哥拉貓，被人遺棄於深水涉後樓梯間，經義工護理後，安排等待領養，我就透過義工協助下，經過家訪，再由義工帶貓貓去絕育。之後，便成為我家中的一份子...改名為益力多(多多王子)。

我家原先有兩隻貓-SNOWY 同埋KIKI，仲有一隻狗DODO，都是從別處領養回來的。多多來到我家後，使我家成為三貓一狗之家，熱鬧得很。多多回家已經差不多三個月了，牠既可愛亦可惡，每天欺負SNOWY公主，與KIKI大佬打架，但我最錫多多，因多多很嗲人，常伴我左右。多多有腎衰竭，看醫生後情況已好轉，沒有再嘔吐，還長胖了，多謝RCAP給我家帶來歡樂。

請支持 "不要買,愛領養"

2010年4月

灰灰不再灰

中心時攝

沒有人知道我的身世,只知我是由繁殖場俾人遺棄出來去到RCAP中心,我係中心都好耐啦,心想這裡就是我最後的家,就在1月16日義工伉儷佢地帶左個姐姐來做義工,就咁對我一見終情,可是當姐姐同我洗耳仔時發現一粒粒肉粒,因為冇醫生,又唔可以出去睇醫生,只可以影下相給醫生看,醫生初步估計係CANCER,姐姐詳細問下,醫生唔建議收養,因對我唔一定好,收養的也可能接受唔到我冇耳仔同負出冇可計算的藥費.....唉!!..姐姐就只好係BLOG寫出佢心情, 又向我說對不起,只可以每星期六來看我...咁我就只好乖乖留係中心,心想有人要真係好渺茫...姐姐都好唔開心...不過事情真係唔講都冇人信,義工伉儷有一日話想帶1-2個小朋友出去市中心睇醫生,取一些藥給中心小朋友食,姐姐就第一時間話想帶我出去,因為佢唔甘心,佢要醫生睇下我係米真係有 CANCER.......3月14日去到診所,醫生同我check耳仔時就話..唔係腫瘤,唔係呀..真係唔係,姐姐問左好多次...真係唔係呀... 醫生解釋話只是耳仔內太污穢引起粒粒,姐姐開心一陣後,不過當義工伉儷問你係米想要我時,姐姐好膽心,因為姐姐有2個小朋友係家,我一定要隔離先可以回家,姐姐邊有地方隔離,我心想,唔通又唔可以要我...唉!!!!突然有位長髮助護姐姐就話見你咁想要這隻貓,我幫你照顧到佢冇事後,就取回家...yeah!!! 護士姐姐真係好人呀,姐姐緊係咩都唔理say good啦...都唔怕羞...這個姐姐仲要求想絕育後,拆完線先回家,真係多要求...呵呵,不過護士姐姐又OK喎...過了差不多大半個月,終於今日 4月4日,姐姐接我回家啦....

回家第一件事,就係沖涼,跟住就開始我一個美好貓生活啦....

我叫灰灰,我主人叫貓貓,灰灰唔再灰啦,灰灰都可以有主人啦...中心小朋友你地唔好灰心呀...

代主人多謝義工伉儷介紹我俾主人識,多謝DR. FAT 同靚仔醫生,最緊要多謝照顧我大半個月的長髮姐姐...多謝中心照顧我咁耐...RCAP小朋友,我會祝福你地,我主人會個個星期都入中心找你地嫁,如果唔係我就咬下佢...嘿...